Sagardogileen elkartea

Gipuzkoako Sagardogileen Elkartea 1977 urtean sortu zen eta sagardoa ekoizten duten 59 sagardotegi jasotzen ditu bere baitan gaur egun. Bere funtsezko eginkizunen artean elkartekideen interesen defentsa eta produktuaren sustapena daudelarik. Azken urteak bereziki esanguratsuak izan dira sektorearen profesionaltasunarentzat eta produktuaren kalitatearentzat.

Elkarteko sagardotegien artean ezberdintasun handia dago, 30.000 litro egiten duenetik milioi bat litrotik gora egiten dituztenera, beraz, Elkartea denen beharretara egokitzera behartuta aurkitzen da (elkartekide guztien artean 9 milioi litro sagardo inguru ekoizten da). Behar guzti hauei eta ekintza berriei aurre egiteko Elkarteak bere egoitza Astigarragan ezarri du, bertan formaziorako gela, dastatzeetarako espazioa, mintegietarako, etab.

Azken ekimenen artean, honako hauek daude: estatuko ferietan parte hartzea, produktua Euskal Herriko mugetatik kanpo ezagutzera emateko asmoarekin; eta produktuaren irudiaren hobetzea, ohiko kontsumitzaileari dagokionez.